تبلیغات
روستای فیروزآباد مازندران - اشعار طبری
روستای فیروزآباد مازندران
بندپی
صفحه نخست         تماس با مدیر         پست الکترونیک        RSS         ATOM
لالالالالامه گل پرپر

لالالالاگمّه باخس مه پسر

آروم بَیر تا که نَسُوزه مِه جیگر

ته برمه مِرِه بکوشته علی جان

تو برمه کنّی و من در دِمّه جان

پسر اُو نَخِردمه شیر ندارمه

چی کار هکنم من تقصیر ندارمه

خیمه به خیمه ره بگردسّمه

اُو گیر نیاردمه دَگِردسّمه

اَتّا تِپِّه اُوپیدا نکردمه

دونّی که چنّه غصّه بخردمه

اَتی آروم بِِوَاش باخِس علی جان

اَتی باخس اَتی پرِس علی جان

تره لالالالا گِمّی گیرمی  وَر

چه یکنفس برمه کنّی مِه پسر

پسر ته رنگ ورو چه زرد وزاره

پسر بَوِین که مه دل بیقراره

تودری جان دنی رُباب ته فدا

خدا تره مه جا نکنه جدا

پسر ته عمو عبّاس بورده فرات

الآن اُو ایارنه تو گیرنی نجات

اَتی طاقت بیار  مار ته بلاره

ته عمو سقای یکّه سواره

من دومّه که ته وسّه اُو ایارنه

ته پره وسّم آبرو ایارنه

پسر جان ته عمو عباس شجاعه

هم مرد مرد جنگه هم مرد دفاعه

علی جان عمو عباس غیرتیه

وه ابوالفضله پسرِ علیّه

ونه قول هدائن رد خور ندارنه

ونه قدّ وقانت ره وفا وارنه

الآن عمو عباس اِنه با ته پر

تره اُو دننه تا بهُوِی سر

اَتی طاقت بیارعطر گل یاس

در انه تره کشه بیره عبّاس

لالالالالالاگلِ بهاره

ته وِسّر همۀ دل بیقراره

زبون چه انّه زنّی شه لباره

ته مقبولِ لب هر دِ بِیّه پاره

 خواخر زینب برو مه اصغرره بیر

اتّا کمه تو هم وره کشه هیر

مه علی اصغرِ جان دره شونه

خواخر نَوّی که رُباب ته گمونه

زینب که اصغره حالّه بدیه

از سینه آه سردی بکشیّه

بوته رُبابه وسّه بیقراری

حسَین دَر انه نکن آه  وزاری

دیگر محسنی تو باقی ره ننویس

نوکه خونی بیّه  قنداق قمیس

نو که ونه گلی ره تیر بزونه

اَتّا تیر بدتر از شمشیر بزونه

نو ونه سر به پوست آویزون بیّه

نو ونه پره چش پُرِه خون بیّه

نو که ونه قنداقه بیّه خونی

ولی رُباب جا دار همزبونی

گته اسا باخس مه گل پرپر

راحت باخس کنار علی اکبر

خداوندا به درد دل رباب

امه دل بشکسّه تو نکن جواب

جان امام حسین اماره دریاب

نل اما غرق بوّیم درون گرداب

دنیا وآخرت ره خوامّی ته جا

که دواشیم کنار آل زهرا





نوع مطلب :
برچسب ها :
لینک های مرتبط :
دوشنبه 20 آبان 1392 :: نویسنده : کهکشان
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر
نظرات پس از تایید نشان داده خواهند شد.


درباره وبلاگ

نظر نظر نظر یادنون نره.
مدیر وبلاگ : کهکشان
نظرسنجی
شما طرفدار کدام باشگاه هستید؟








شما طرفدار کدام باشگاه هستید؟








شما طرفدار کدام باشگاه هستید؟








جستجو

آمار وبلاگ
کل بازدید :
بازدید امروز :
بازدید دیروز :
بازدید این ماه :
بازدید ماه قبل :
تعداد نویسندگان :
تعداد کل پست ها :
آخرین بازدید :
آخرین بروز رسانی :